ضيفنا الأول فى البيت بيتك هى................

بسم الله الرحمن الرحيم

نقدم لكم اليوم موضوع البيت بيتك

وإن شاء الله ستقضون معنا أجمل الأوقات
ما عليكم سوى متابعتنا
في

وهو عبارة عن عضو سأقوم بدعوته ليكون ضيفنا في هذه المساحة الذي ستحلو بوجودكم معنا
سيكون مدة الاستضافة أسبوع وقد يزيد قليلاً وخلال هذه الفترة سنتطرق لمواضيع عديده وستشاركونا عن طريق الطلبات . واى استفسار لاى عضو فعليه ان يطرحه على ضيفنا وما على الضيف غير تنفيذ الطلبات بدون تأخير وهكذا يلبي طلبات جميع الأعضاء

شروط هذا الموضوع ..

-عدم تعدي الحدود الصعبة جداً في الطلبات
-يستطيع ضيفنا أن يرفض الطلبات اللامعقولة
-يلزم ضيفنا بتلبية كل الطلبات .. ولا يستطيع أن يمتنع من تنفيذ الطلب غير الطلبات اللامعقولة
-عدم تحدي ضيفنا بالطلبات

معنا اليوم ضيفنا الاول فى البيت بيتك مؤسسة هذا المنتدى ونشيطه بجميع أركان المنتدى , اثبتت جدارتها عن استحقاااق وكسبت محبة الجميع , أصبحت اهم أعمدة المنتدى من خلال تواصلها الدائم الغير منقطع ودعمها المميز لجميع أقسام المنتدى , مسؤوله نشيطه ويعجبنى فيها قمة الأخلاق والزوق الرفيع تبهرنا دايما بالمواضيع الجذابه وأجمل مافيها (حلاوة الآداء)
وأسعد بأن تكون هى أول من يفتتح معنا البيت البيت
هى =======>> إسكندرانيـــه

Eskndrnia
مؤسسة منتديات كلنا جدعان

المـــــــود:
المهنــــــة:
هوايتــــى:
بـــــــلـدى:
الجنسية: مصرية
العــمـــــر: 26
المــوقــــع: www.kollna.yoo7.com
عدد النقــاط: 1381
مساهمــاتـى: 416
تاريخ الميلاد: 25/05/1983
العمل/الترفيه: الكمبيوتر والانترنت
النوع:

ملحوظه : يرجى الإلتزام بالقواعد والادب فى الحوار حتى لا يتم حذف أى نص مخالف دون الرجوع لصاحبه

نتمنى لك قضاء أجمل الأوقات معنا
وفى البدايه " اتفضل البيت بيتك "

ولى عوده بعد الترحيب

hi can i be agest in your program thats from my pleagher
my name is sameh
oh.lo
from elmansora salamoon
offen
if you wana to aske me hn eny thing dont be

بسم الله الرحمن الرحيم

اشكرك يا سمير علي المسابقة واشكرك مرة تانية علي المقدمة الجميلة دي وبالتوفيق ان شاء الله وفي انتظار بدء المسابقة

إتفضلى يإسكندرانيه وخدى راحتك ودا عشاء بسيط كده عشان نعرف ندردش مع بعض شويه

عاوزك بقى وإنتى بتاكلى تقولى بيانات بطاقتك الشخصية بكامل محتواها ...........

خدى إشربى الخير كتير

لعد لما تخلصى أكل عاوز منك طلب شايفه الكرسى اللى فى الجنينه ده

عاوزك تشربى العصير اللى جمبك ده وانتى بتشريى العصير تختصريلى قصة حياتك فى 15 سطر
كفايه كده إنهادره ممكن بقى تتفضلى تنامى عشان تركزى بكره فى باقى الأسئلة وكمان اسئلة أى عضو يحب يشارك بس فى حدود المعقوووول

معلهش على الإزعاج يإسكندرانيه نسيت أسألك اهم سؤال إنهادره
داأخر يوم فى 2009 وأول يوم فى 2010 تحبى تقولى ايه ؟؟ ولمين ؟؟

وبعد كده دا فطار بكره الصبح عشان انا بصحى متأخر فهجهزهولك الوقتى إتفضلى

وبعد كده إتفضلى الشاى

وخدى راحتك فى البيت وبعد كده نكمل الأسئله

نسيت أسألك تحبى إيه على الغدا ولا تسيبى الموضوع ده عليا ؟؟

أهلا بيك ياسامح معانا فى البيت بيتك وإسكندرانية موجوده هنا لو تحب تسألها أى أسئله وكذلك من حق الأعضاء
مع مراعاة عدم التدعى فى الأسئلة وطبقا للشروط الموضوعه مسبقا حتى لا يتم حذف الرد بدون الرجوع لصاحبه

طبعا بعد العشا والعصير وكل الحاجات الحلوة دي انا بشكرك طبعا علي البرنامج الجميل د ه

بالنسبة لسؤال اخر يوم في 2009 وبداية 2010 انا بس كل اللي بتمناه من ربنا هي راحة البال مش اكتر وبعد كده كل شىء يهون

اما بالنسبة لقصة حياتي فهي عادية جدا طبعا انا من اسكندرية و26 سنة بكالوريوس تجارة بصراحة اكتر شىء ندمت عليه في حياتي هي القرارات المتسرعة يعني مشكلتي اني باخد قرار في ثواني ومش باخد رأي حد ولكن هو مش تعالي او تكبر بس انا كنت دايما بقول ان محدش حيفهم انا عاوزة ايه عشان كده كنت دايما بتحدي نفسي واخد القرار .. وبس بصراحة انا مش بعرف اتكلم عن نفسي كتير الا من خلال اسئلة وانا في انتظار اسئلتكم وربنا يوفقنا كلنا ان شاء الله

انا عاوز اتطرف شويه لحياة انا اسكندرانيه العاطفية انا شايف انها رومانسيه اوي
علي عكس ماهي كاتبه في المعلومات الخاصه بها ... ايه رأيك في الكلام ده ؟

السلام عليكم

كيفك اسكندرانية اتمني من الله اني تكوني بالف صحة

وانا عندي عدة اسئلة

1-مــــن انـــــــت ؟

2- ماهو هدفك في هذي الحياة ؟

3-صفه فيك تحبها؟

4-صفه فيك تكرهها ؟

5-اكثر شئ يعصبك؟

6-اكثر شئ يخوفك؟

7-من مثلك الأعلى؟

8-تجربه مريت بها وودك تكررها؟

9-لما تكوني زعلانة بتروحي لمين؟

10-مـــــن يطـــــربك ؟

11-من هو أعز شخص عندك؟

13-باقة ورد لمن تهديها ؟

14-باقة شوك لمن تهديها ؟

15-أعظم شيء فقدته ؟

16-وأعظم جرح دفنته ؟

17-اسوأ خبر سمعته ؟

18-ماهو الموت ؟

19-اكثر شئ اتندمت عليه؟

20-دعوه صادقه من اعماق قلبك لمن تهديها ؟

21-اوصف نفسك كما تراها ؟!

22-و اخيراً صف نفسك بكلمات بسيطة كما يراك الناس ؟

سامحوني علي الاطالة

بالنسبة لناصر بقول
انا عاوز اتطرف شويه لحياة انا اسكندرانيه العاطفية انا شايف انها رومانسيه اوي
علي عكس ماهي كاتبه في المعلومات الخاصه بها ... ايه رأيك في الكلام ده ؟

انا معلوماتي موضحتش اذا كنت انا رومانسية ولا لا كل اللي قولته اني مش بعرف اتكلم عن نفسي الا من خلال اسئلة

وانا عن نفسي الحمدلله رومانسية جدا ودي يمكن احسن صفة عندي انا شيفاها

ممكن اعرف يا اسكندرانيه ايه اكتر البلاد اللي بتحبيها بعد اسكندرية او اللي حبيتيها ونفسك تروحيها ؟.

ممكن اعرف ايه اكتر حاجه ممكن ترضيكي وتخليكي ريلاكس ؟
وايه اكتر حاجه ممكن تغيظك وتخليكي نرفز اخر حاجه ؟

الكلام ده مش لاسكندرانيه ده لاميــــــره الاحساس هههههههههههههههه
والله حرام عليكي الاسئله دي اصعب من اسئله الثانوية العامة كان المفروض تكتبي زمن الاجابه فوق
لا عادي ياناصر سيبهم كل واحد له يوم

السلام عليكم
وعليكم السلام ورحمة الله وبركاته

كيفك اسكندرانية اتمني من الله اني تكوني بالف صحة
تمام الحمدلله انتي عاملة ايه ؟

وانا عندي عدة اسئلة
اتفضلي قولي كل اللي عندك وربنا يستر

1-مــــن انـــــــت ؟
اسكندرانية ان شاء الله
2- ماهو هدفك في هذي الحياة ؟
انا بطبعي طموحة جدا وبتمني من ربنا اني احقق كل اللي بتمناه حتي لو جزء بسيط واعتمد علي نفسي واحس اني حققت ذاتي

3-صفه فيك تحبها؟
طيبة القلب ولو انها صعبة في الزمن ده بس مش حتكون اوحش من القسوة انا شايفة ان طيبة القلب مطلوبة لان لو القلب مات يبقي الانسان مالهوش قيمة

4-صفه فيك تكرهها ؟
العصبية

5-اكثر شئ يعصبك؟
لما حد يكون عارف ان الحاجة دي بتضايقني ويعملها بتعصبني اوي بحس انه بيعاندني

6-اكثر شئ يخوفك؟
اني اخرج من الدنيا من غير ما اعمل اي حاجة

7-من مثلك الأعلى؟
نفسي ( ومش غرور والله )

8-تجربه مريت بها وودك تكررها؟
التجربة العاطفية

9-لما تكوني زعلانة بتروحي لمين؟
لأمي او لأختي لان دول اقرب الناس ليا باعتبار اني ماليش اصحاب في الحقيقة

10-مـــــن يطـــــربك ؟
اي اغنية كلماتها كويسة واللي بيغنيها صوته كمان ماشي مع الاغنية اكيد بحبها وضيفي علي كل ده عمرو دياب ورامي صبري من احسن الاصوات الصراحة

11-من هو أعز شخص عندك؟
الشخص اللي بيعتبرني انا اعز شخص بالنسباله

13-باقة ورد لمن تهديها ؟
لكل اعضاء المنتدي

14-باقة شوك لمن تهديها ؟
مفيش وربنا مايجيب اشواك

15-أعظم شيء فقدته ؟
كتير الصراحة

16-وأعظم جرح دفنته ؟
طالما اندفن مش بحب اتكلم فيه عشان مش عاوزة افتكر

17-اسوأ خبر سمعته ؟
يوم مانتيجة التنسيق ظهرت ودخلت تجارة لان كان حلمي اطلع مدرسة .. يلا بقي مش مهم كل اللي يجيبه ربنا كويس

18-ماهو الموت ؟
الموت هو طبعا نهاية الحياة والموت علينا حق وقدر لابد منه

19-اكثر شئ اتندمت عليه؟
اي قرار باخده بسرعة وبيطلع فاشل بيجنني ويعصبني ويخليني اندم لغاية ما اكره نفسي

20-دعوه صادقه من اعماق قلبك لمن تهديها ؟
لاهلي اولا ولاعضاء المنتدي ثانيا

21-اوصف نفسك كما تراها ؟!
الناس دايما شيفاني طيبة وهادية

22-و اخيراً صف نفسك بكلمات بسيطة كما يراك الناس ؟
زي مقولت

سامحوني علي الاطالة
لا ابدا خدي راحتك انتي بهدلتينا خالص

إشربى القهوه دى وبعدين جاويى ع الأسئله دى لما أحضرلك الغدا

عاوزك تحكيلى ظروف نشأة المنتدى والفكره جت إزاى ومين اللى ساعدك فيها ؟؟

وجهى الكلمات دي لأي شخص"بالمنتدى"

- مثلك نادر الوجود :

- للأسف ماتوقعتها منك :

- أنت غريب الطباع :

- دمك خفيف :

- أنت مبدع :

- الله يحقق اللي في بالك :

- فقدناك :

- يهمني رأيك :

- قلمك رائع:

- انت متميز:

- لك مستقبل :

- الله يهديك :

- الحمدلله على السلامة :

- عايزه اتعرف عليك أكثر :

- أنت اللي فاهمني :

- أحبك في الله :

- طيبة قلبك ساحرة :

- يفتخر المكان بأمثالك :

- الله يخليك لنا :

- اتمني رضاك :

- أنت نشيط:

تعجبنى صورتك الشخصية :

لا تعجبنى صورتك الشخصية :

اخبرينا معلومه عنكى لايعرفها احد من قبل ..!

_ حكمتك في الحياة(.......................)

_متى آخر مرة بكيتى فيها ؟؟ ولماذا؟

_ متى آخر مرة عصبتى فيها ؟؟ ولماذا ؟؟

_ موقف حصل لك وحسيتى فيه انك فعلا غبي (بكل صراحة) ؟؟

_ ماهي علاقتك بالمطبخ ؟؟ما هي الاكلة إلي تجيدبن طبخها؟؟

_ من هو العضو اللي كاسر خاطرك؟؟ يعني مش عاجبك ردودواااااا؟؟

_ ماهي الصفات التي ترغب أن يكون عليها شريك حياتك ؟

_ هل سبق لك أن أحببت ؟ وهل لا زال هذا الحب موجود ؟

_ ماهو الشيء الذي ضاع منك وتتمنى أن تجدينه؟

_ عمرك في يوم حسيتي بالندم على صداقتك لشخص ؟

_ الخيانة كلمة خطيرة جداً مامفهومها عندك؟؟ وهل تعرضتي للخيانة؟؟

انا عارف انك اتخنقتي منى

إشريى العصير لما أجهزلك الغدا

إتفضلى دا الغدا بتاعك متعملش لحد قبل كده

ودى حاجه بسيطه كده بعد الأكل

ودلوقتى نبدأ اسئلتنا

- ما هي أكبر أمنية تتمنين ان تتحقق ؟
- من هوَ الهرم الشامخ بحياتك؟
- عندما تفكرين بالمستقبل .. أين تبدأين ؟
هل تأثرتي بأحد في المنتدى أو في أسرتك وشعرتي بتغير في شخصيتك ؟ اذا كان نعم .. متى وكيف ؟
6- ما هو رأيك بموضوع البيت بيتك ؟
عندما تحلم إسكندرانيه .. هل تتسم أحلامها بواقعية قاسية أم واقعية محتملة؟
لو لم تدرسى التجارة كنتى تتمنى تدرسى ايه ؟
ايه رأيك فى قسم الرياضه؟ واذا عندك اقتراح لزيادة نشاطه ؟
0- كنت بتنضربى من اصحابك وانت صغيرة ولا كنت بتضربيهم؟

- لو هتعزمى 5 اعضاء من المنتدي ..هتعزمى مين؟

ضعى العضو او الادارى المناسب مكان النقط :

.

[center]1- (( . . . )) عضو مفقود .
2- (( . . . )) عضو نشيط بصراحة .
3- (( . . . )) عضو خفيف الدم .
4- (( . . . )) عضو واثق من نفسه .
5- (( . . . )) عضو تحسي أنه مثقف .
6- (( . . . )) عضو عايزه تعرفي معنى اسمه
7- (( . . . )) عضو عايزه تغيري اسمه .
8- (( . . . )) عضو ملتزم & متواضع.
9- (( . . . )) عضو عايزه تتخانقي معاه .
10- (( . . . )) عضو عايزه تقوليله ( صن لسانك ) .
11- (( . . . )) عضو يناسبه لقبه ( الطموح ) .
12- (( . . . )) عضو يستحق الإشراف .

2- إسكندرانيه كانت تتمنى تبقي إيه فى يوم من الأيام ؟
13- أكتبى سطرين للأخت أميرة الإحساس؟
14- إسكندرانيه أكيد شافت كابوس فى المنام إحكيلنا الكابوس ده ؟
15- عمرك بالأيام وليس بالسنين ؟ يعنى عندك كام يوم؟
16- كم عدد المضافين بالماسنجر لديك ( هوت ميل....وياهو)
17- هل أنتى شخصيه ثابته ؟ وعنيفه فى التعامل مع الآخرين؟أم لديها كل وسائل الترفيه والفرفشه مع الناس؟
18- ما هو برنامج إسكندرانيه اليومى ؟
19- الأخت بتوته كيوت .. طبعاً بتعرفيها..رأيك فيها ؟ واكتبيلها رساله ؟
20- مواصفات فارس أحلام إسكندرانيه؟
21- ربنا وهب لإسكندرانيه ولد ... اى اسم تختارى ليه ؟
22- ما رأيك بالمثل العربى ( صاحب بالين كداب)
23- ما هي الصفات التي تحبيها في اصدقائك؟
24- وماهي الصفات التي لا تحبيها في اصدقائك؟
25- هل تشعري ان الاسم المستعار في المنتدى يعطي امتيازات للشخص؟
26- مين في حياتك يدفعك دائما للامام ويؤيد خطواتك ؟
27- عندما تغيبي عن انسانه اوانسان عزيز عليك ...ماهي اول كلمه تقوليها له عندما ترينه؟
28- برأيك ماهي المواصفات التي تجعل الموضوع متميز؟
29- اصلاحات تقترحيها في المنتدى؟
30- هل فكرتي في يوم الابتعاد عن الانترنت ؟ ولماذا؟
31- لو فرضنا انكِ اختلفتي مع شخص ما في وجهة نظر معينه وانتي متاكده انكِ على صواب .. ولكن الشخص المقابل لكِ لم يقتنع...!!فكيف لكِ ان تقنعيه ...وان لم يقتنع ماذا ستفعلين ..؟؟
32- برأيك الحب فالزواج ام الزواج فالحب؟
33- مالذي يغضب إسكندرانيه جدا ومالذي يسعدها جدا؟
34- اكثر شيء أثر فيكي وانتي صغيره موقف او كلمه او شخص معين؟
وأخر سؤال اللى ناصر سأله
أكتر المدن اللى بتحبيها ايه بعد إسكندرية ( داخل وخارج )؟؟
ولى عوده

هههههههههههههه والله العظيم حرام عليكم انا عن نفسي متمناش اني اتحط في الاختبار ده
ممكن اجاوب سؤال مكان اسكندرانيه ؟ وهو .. ربنا وهب اسكندرانيه ولد ,,, اي اسم تختاري ليه ؟؟؟
انا عارف الاسم وهو ممكن يكون ( كريم ) بس اللي انا واثق منه ان لو ربنا وهب ليها بنت هتختار اسم ( ريم ) ليها

عاوزك تحكيلى ظروف نشأة المنتدى والفكره جت إزاى ومين اللى ساعدك فيها ؟؟
والله انا كنت حابة اعمل حاجة زي كده ويدخل فيها اعضاء واحس اني عملت حاجة بجد والحمدلله ربنا وفقني وقدرت اعمل المنتدي ده ومن رضا ربنا عليا انه خلي المنتدي تقريبا اتعرف ودخل فيه مجموعة من اجمل واحسن الناس اللي بعتبرهم بجد ناس في مستوي عالي من الاخلاق والاحترام وفعلا ناس داخلة منتدي وحابة انها تستمر فيه وده طبعا شىء بحمد ربنا عليه وبتمني من ربنا انه يوفقني واخلي المنتدي ده من احسن المنتديات مش مجرد منتدي بينضاف للانترنت وخلاص لا بس انا عاوزاه ان شاء الله يكون حاجة مميزة وده اللي انا في طريقي اليه وفي الاول محدش ساعدني فيه غير ربنا واختي ودلوقتي ربنا واختي وانتم طبعا في الاساس بعد ربنا

وجهى الكلمات دي لأي شخص"بالمنتدى"

- مثلك نادر الوجود :
كل اعضاء المنتدي

- للأسف ماتوقعتها منك :
لسه والله وبتمني ميكونش فيه

- أنت غريب الطباع :
برده مفيش الحمدلله

- دمك خفيف :
نقدر نقول كلهم الحمدلله برده ومش مجاملة والله لاني بلاحظ ان كلهم بيتقبلوا الهزار وبيشاركوا في المواضيع اللي فيها اي حاجة بالنسبة لخفة الدم ( نقول حاجة ع الماشي مازن ومودي ) علي اعتبار اني شوفت ليهم مواضيع في المنتدي بخصوص النكت والضحك وبيتهيألي هما لو مكانوش كده مكانوش نزلوها وكانوا اهتموا بابواب تانية

- أنت مبدع :
الاعضاء اللي شايلة المنتدي علي كتافها من اول مادخلت لحد النهاردة وطبعا هما عارفين نفسهم

- الله يحقق اللي في بالك :
كل عضو نفسه يحقق امنية ولسه محققهاش بدعيله ان ربنا يوفقه ويحقق كل اللي في باله

- فقدناك :
اي عضو حب المنتدي وانضم لينا لما بيبعد بحس ان المنتدي فقده بجد

- يهمني رأيك :
اي عضو عنده اقتراح او فكرة جديدة للمنتدي الصراحة باخدها جد وبنفذها فورا مدام في مصلحة الجميع ويمكن ده من اهم الصفة اللي لاحظتها في اعضاء كتير اوي هنا

- قلمك رائع:
كلهم من الاعضاء اللي كل مشاركاتهم رائعة

- انت متميز:
برده كلهم

- لك مستقبل :

- الله يهديك :
ربنا يهدي كل الجميع

- الحمدلله على السلامة :
اسلام وفرعون والاعضاء الغائبين

- عايزه اتعرف عليك أكثر :
العضو الجديد

- أنت اللي فاهمني :
سمير ومودي وكينج وفرعون واسلام ومازن

- أحبك في الله :
كل الاعضاء والله احبكم في الله

- طيبة قلبك ساحرة :
كينج واسلام بجد بحس ان قلبهم طيب جدا والباقيين اكيد قلبهم طيب بس انا عاوزة اغير في الاجابة شوية ههههههههه

- يفتخر المكان بأمثالك :
كل الاعضاء والمشرفين

- الله يخليك لنا :
كلهم والله بدعي ربنا يخليهم لنا ويدوم المودة والتفاهم للابد

- اتمني رضاك :
اتمني دايما ان كل الاعضاء والمشرفين راضيين عن المستوي اللي وصل اليه المنتدي ومعا للابد ان شاء الله

- أنت نشيط:
مودي ومازن وسمير واميرة الاحساس وبدر البدور وبنوتة كيوت كينج واسكندراني علي حق وجدع اوي واتمني مكونش نسيت حد

تعجبنى صورتك الشخصية :
صورة الكينج لانها صورة مكتوب عليها الله (احسن اسم في الوجود) طبعا

لا تعجبنى صورتك الشخصية :
العضو اللي بيفكر يحط صورة خارجة عن الادب او صورة منافية لاخلاق المنتدي والحمدلله لغاية دلوقتي مظهرش حد كده وان ظهر اكيد حيكون في رقابة عالية علي الموضوع ده

اخبرينا معلومه عنكى لايعرفها احد من قبل ..!
والله انا حياتي كلها كتاب مفتوح امام الجميع بس انا بطبعي اذا حصل مثلا موقف ضايقني بكتم جوايا ومش بحب ابين ده ولكن بفضل اني ابعد عن اللي بيضايقني

_ حكمتك في الحياة(.......................)
من تدخل فيما لا يعنيه سمع مالا يرضيه

_متى آخر مرة بكيتى فيها ؟؟ ولماذا؟
لما حسيت اني فاشلة في حياتي العاطفية

_ متى آخر مرة عصبتى فيها ؟؟ ولماذا ؟؟
اخر مرة اتعصبت فيها كان من يومين لما اخويا ضرب القطة اللي بربيها

_ موقف حصل لك وحسيتى فيه انك فعلا غبي (بكل صراحة) ؟؟
ههههههههههههههه والله لو ع المواقف اللي زي دي ماتعدش انا صريحة بس بجد معرفش في ايه ساعات بلاقي نفسي اتغابيت فجأة ولما بكتشف كده بقعد اضحك

_ ماهي علاقتك بالمطبخ ؟؟ما هي الاكلة إلي تجيدبن طبخها؟؟
الصراحة علاقتي بالمطبخ مش قد كده واكتر اكلة انا بحبها وبعرف اطبخها اوي وبشهادة الجميع هي شوربة الفراخ والرقاق باللحمة المفرومة والبسلة وبعد كده مفيدكوش

_ من هو العضو اللي كاسر خاطرك؟؟ يعني مش عاجبك ردودواااااا؟؟
واحد من كام يوم جديد ال داخل مخصوص وسجل في المنتدي عشان يخش يكتب رقم موبايله من اجل التعارف هههههههه

_ ماهي الصفات التي ترغب أن يكون عليها شريك حياتك ؟
انه يكون طيب وصادق ويحبني ويحترمني وبس

_ هل سبق لك أن أحببت ؟ وهل لا زال هذا الحب موجود ؟
اه طبعا حبيت .. بس في ظروف حصلت خلت الموضوع ينتهي بس مازال الحب موجود

_ ماهو الشيء الذي ضاع منك وتتمنى أن تجدينه؟
نفسي

_ عمرك في يوم حسيتي بالندم على صداقتك لشخص ؟
كتير اوي عشان كده مبقاش ليا اي صديقة لاني بجد والله العظيم ملقيتش ولا واحدة تستحق كده في الزمن ده

_ الخيانة كلمة خطيرة جداً مامفهومها عندك؟؟ وهل تعرضتي للخيانة؟؟

الصراحة انا ماتعرضتش للخيانة الحمدلله بس الخيانة زي مانت قولت كلمة خطيرة جدا ومفهومها خطير زيها وانا عن نفسي لو حد خانني مهما كان استحالة حيكون في بيني وبينه اي كلام للابد حتي الموت

ايه ياجدعان الاسئلة دي انتوا بتنتقموا مني بقي ضيفنا الأول فى البيت بيتك هى................ 916549

ضيفنا الأول فى البيت بيتك هى................ 916549

- ما هي أكبر أمنية تتمنين ان تتحقق ؟
النجاح طبعا هي امنية كل انسان بتمني انجح في شغلي واتمني كمان المنتدي ينجح

- من هوَ الهرم الشامخ بحياتك؟
قلبي

- عندما تفكرين بالمستقبل .. أين تبدأين ؟
من حيث انتهي الاخرين

هل تأثرتي بأحد في المنتدى أو في أسرتك وشعرتي بتغير في شخصيتك ؟ اذا كان نعم .. متى وكيف ؟
نعم .. التغيير كان من ناحية المنتدي حسيت اني اتعلقت بيه اكتر من اول مرة عملته لدرجة اني بقيت اتابعه باستمرار وكمان منعني من دخول الشات وتضييع الوقت لاني كنت بدخل شات وكان تقريبا كان ليا اصدقاء كتير فيه وكنا بنعمل مسابقات يومية واسبوعية ومفيش مانع لو اخش ارخم عليهم واطهقهم في عيشتهم هههههههههههه ربنا رحمهم مني

6- ما هو رأيك بموضوع البيت بيتك ؟
موضوع جميل جدا طبعا والاجمل طبعا المعد والمنفذ ليه الاخ العزيز سمير بتمناله كل التوفيق ومزيد من التميز ان شاء الله

عندما تحلم إسكندرانيه .. هل تتسم أحلامها بواقعية قاسية أم واقعية محتملة؟
والله انا فعلا واقعية جدا وواقعيتي دي برده بعتبرها صفة كويسة لاني مش بحب اعيش في الوهم وبحب دايما احط احتمالات قاسية عشان لو فشلت احلامي محسش بالصدمة ولو نجحت بحس بفرحة مابعدها فرحة

لو لم تدرسى التجارة كنتى تتمنى تدرسى ايه ؟
اكون مدرسة او دكتورة والحمدلله علي كل حال

ايه رأيك فى قسم الرياضه؟ واذا عندك اقتراح لزيادة نشاطه ؟
عن نفسي بحب كل الاقسام وكل الاقسام تقريبا متميزة عن بعض وقسم الرياضة طالما انت خصيته بالذكر فهو متميز طبعا بالمشرف الجميل مودي الزملكاوي اللي مش بس شغال فيه لكن هو شغال في كل اقسام المنتدي وانا عن نفسي شايفة انه قسم متميز وطبعا مازن ماننساش انه له لمسة مميزة في القسم واللي لاحظته ان كل الاعضاء والمشرفين مش متخصصين بقسم واحد بس بحس ان كلهم يد واحدة في كل الاقسام بيحبوا التنوع والتجديد

0- كنت بتنضربى من اصحابك وانت صغيرة ولا كنت بتضربيهم؟
الاتنين الصراحة بتيجي معايا بالحظ

- لو هتعزمى 5 اعضاء من المنتدي ..هتعزمى مين؟
خمسة بس كده الباقيين يزعلوا ولو ينفع اقول اعزمهم كلهم يا اما نعتبر السؤال ملغي عشان محدش يزعل مننا

ضعى العضو او الادارى المناسب مكان النقط :

.

[center]1- (( شهد و)) عضو مفقود .
2- (( مودي ومازن )) عضو نشيط بصراحة .
3- ((جدع اوي ومودي )) عضو خفيف الدم .
4- ((عاشقة الاسكندرية)) عضو واثق من نفسه .
5- ((فرعون واسلام )) عضو تحسي أنه مثقف .
6- (( كلهم اسامي واضحة وجميلة)) عضو عايزه تعرفي معنى اسمه
7- (( مفيش )) عضو عايزه تغيري اسمه .
8- (( الكينج )) عضو ملتزم & متواضع.
9- ((مفيش الحمدلله )) عضو عايزه تتخانقي معاه .
10- (( مفيش الحمدلله )) عضو عايزه تقوليله ( صن لسانك ) .
11- (( جيتام (سمير))) عضو يناسبه لقبه ( الطموح ) .
12- ((فرعون واميرة الاحساس والبيه رومانسي واسكندراني علي حق وجدع اوي)) عضو يستحق الإشراف .

12- إسكندرانيه كانت تتمنى تبقي إيه فى يوم من الأيام ؟
مدرسة او دكتورة

13- أكتبى سطرين للأخت أميرة الإحساس؟
اقولها ربنا يوفقك في حياتك وانتي من البنات اللي بحبها جدا علي فكرة وبجد في قمة الاحترام والرقة وربنا يوفقك ونسمع عنك كل خير ان شاء الله

14- إسكندرانيه أكيد شافت كابوس فى المنام إحكيلنا الكابوس ده ؟
والله انا كنت زمان دايما بحلم بكابوس واحد وهو واحدة عجوزة شكلها وحش جدا دميم بتطاردني في الكابوس يوميا ومكنتش اعرف سببه ايه بس الحمدلله انتهي الموضوع ده من فترة وربنا ما يرجعها تاني

15- عمرك بالأيام وليس بالسنين ؟ يعنى عندك كام يوم؟
يااه كتير اوي 26 سنة واضربهم انت في 365 يوم يعني حسبة برمة

16- كم عدد المضافين بالماسنجر لديك ( هوت ميل....وياهو)
كان عندي هوتميل واتقفل لاني مش بفتحه ويمكن كمان نسيت الباسورد اما الياهو الموجودين عندي هما اخواتي وبنتين اتعرفت عليهم من النت

17- هل أنتى شخصيه ثابته ؟ وعنيفه فى التعامل مع الآخرين؟أم لديها كل وسائل الترفيه والفرفشه مع الناس؟
انا شخصيتي ثابتة في بعض الاحيان بس في بعض اوقات بحس اني عتيفة اوي في التعامل مع الاخرين واوقات تانية بحس اني عاوزة اضحك وده راجع للحالة المزاجية زي كل الناس يعني

18- ما هو برنامج إسكندرانيه اليومى ؟
والله انا بعيدة جدا عن التليفزيون بس البرنامج اللي يشدني هي برامج الحوادث او مشاكل الناس

19- الأخت بتوته كيوت .. طبعاً بتعرفيها..رأيك فيها ؟ واكتبيلها رساله ؟
بحبها جدا طبعا بنت دمها خفيف وطيبة جدا هي حقيقي سنها صغير بس بحس انها فاهمة وعارفة هي بتعمل ايه وبتفكر ازاي بقولها ربنا يوفقك وتكوني من احسن الناس وربنا يوفقك في دراستك وفي حياتك كلها وتبقي سعيدة دايما

20- مواصفات فارس أحلام إسكندرانيه؟
مفيش مواصفات ولا حاجة بس يكون طيب واخلاقه عالية ومحترم وبس

21- ربنا وهب لإسكندرانيه ولد ... اى اسم تختارى ليه ؟
زياد او محمد

22- ما رأيك بالمثل العربى ( صاحب بالين كداب)
مثل مية مية وفي الصميم

23- ما هي الصفات التي تحبيها في اصدقائك؟
الصدق وعدم النفاق

24- وماهي الصفات التي لا تحبيها في اصدقائك؟
النفاق والكدب والغيرة

25- هل تشعري ان الاسم المستعار في المنتدى يعطي امتيازات للشخص؟
لا طبعا الامتيازات دي بيحصل عليها الشخص من خلال تفكيره واسلوبه مع الاخرين

26- مين في حياتك يدفعك دائما للامام ويؤيد خطواتك ؟
انا

27- عندما تغيبي عن انسانه اوانسان عزيز عليك ...ماهي اول كلمه تقوليها له عندما ترينه؟
اهلااااااااااا ايه فينك واحشني والله

28- برأيك ماهي المواصفات التي تجعل الموضوع متميز؟
ان الموضوع يكون من تأليف وكتابة صاحبه فقط

29- اصلاحات تقترحيها في المنتدى؟
والله انا في دماغي ادخل شات كتابي وان شاء الله في طريقي اني اعملها باذن الله

30- هل فكرتي في يوم الابتعاد عن الانترنت ؟ ولماذا؟
الصراحة لا مفكرتش

31- لو فرضنا انكِ اختلفتي مع شخص ما في وجهة نظر معينه وانتي متاكده انكِ على صواب .. ولكن الشخص المقابل لكِ لم يقتنع...!!فكيف لكِ ان تقنعيه ...وان لم يقتنع ماذا ستفعلين ..؟؟
والله ان اقتنع خير وبركة ان ماقتنعش يبقي هو حر بس مدام انا مقتنعة اني علي صواب يبقي اكيد حعمل اللي انا شيفاه صح

32- برأيك الحب فالزواج ام الزواج فالحب؟
اكيد الحب فالزواج

33- مالذي يغضب إسكندرانيه جدا ومالذي يسعدها جدا؟
اللي يغضبني لما الاقي حد بيستهتر بيا واللي يسعدني لما احس بتبادل الاحترام بيني وبين الناس

34- اكثر شيء أثر فيكي وانتي صغيره موقف او كلمه او شخص معين؟
وانا صغيرة في المدرسة لما اتدخلت لتلميذة زميلة ليا وبشهد معاها شهادة حق ان في بنت تانية ضربتها وفي الاخر انضربت انا من ساعتها حرمت اتدخل لحد في اي مشكلة بس طبعا اذا استدعي الامر بشهد وزي ماتيجي تيجي بقي

وأخر سؤال اللى ناصر سأله
أكتر المدن اللى بتحبيها ايه بعد إسكندرية ( داخل وخارج )؟؟
ولى عوده

في الداخل بحب القاهرة وطنطا والمنصورة اسمع انهم محافظات جميلة وهادية جدا ومن الصور كمان
وفي الخارج بحب باريس ومن الدول العربية بحب السعودية

بعد الإجابات الواضحة على كل الأسئلة هسيبك شويه مع ضيوف البرنامج وكل الاعضاء
اللى يحب يسأل إسكندرانيه أى سؤال يتفضل

عشان أنا عندى دعوة فرح الوقتى ومضطر أمشى
بس قبل ما أمشى هسيبلك العشاء بتاع إنهارده إتفضلى

أه على فكره جهزى نفسك بكره إنشاء الله فيه رحلة لفرنسا وانا مقدرتش أحجز غير 7 تذاكرإتنين لينا
تحبى مين من الأعضاء يطلع معانا بكره ؟؟ خمسه بس

إيه رأيك فى الهدية دى

للعروسين
أسيبك مع الأعضاء وجهزى نفسك بكره للرحله
وطلب رفيع قبل ما أمشى
عاوزك تختارى أحد الأعضاء وتقرأى مواضيعه كلها وتردى عليها عشان هسألك فيها بكره !! باااااى

بالنسبة لخمس اعضاء يسافروا معانا حختار

مازن وكينج وفرعون اسلام واميرة الاحساس

اختار مواضيع الكينج في القسم الاسلامي وحخش اتابع عليها اكتر واكتر

اسكندرانية انا عندي سؤالين

حبيتي كم مرة في حياتك ؟

طبيعة شغلك ايه ؟ شايفة نفسك ناجحة في شغلك ولا لا؟

وبس علي ما احضر تاني

هاي عليكم ياجماعة في الاول بشكر سمسم علي الموضوع الكميل ده وبقول لاسكندرانية عاملة ايه اخبارك ايه وربنا يقويكي علي المحكمة دي هههههههههههههههههههههه بس المسابقة روعة ياجماعة والله وميرسي ليكي ياسكندرانية علي كلامك الجميل دا بجد وانا بحبك اوي

احب بس اسالك سؤال بسيط

لو حد بتعزيه اوي وبعدين غدر بيكي يكون رد فعلك ايه ؟

Yeslamooooooooo

جدع اوي كتب:: اسكندرانية انا عندي سؤالين

حبيتي كم مرة في حياتك ؟
هي مرة واحدة

طبيعة شغلك ايه ؟ شايفة نفسك ناجحة في شغلك ولا لا؟
بشتغل في الحسابات والحمدلله راضية عن شغلي وربنا يوفقني واكون ناجحة فيه كمان وكمان ان شاء الله

وبس علي ما احضر تاني

انت لسه حتحضر تاني ضيفنا الأول فى البيت بيتك هى................ 795136

ضيفنا الأول فى البيت بيتك هى................ 440357

ضيفنا الأول فى البيت بيتك هى................ 18665

بنوتة كيوت كتب:: هاي عليكم ياجماعة في الاول بشكر سمسم علي الموضوع الكميل ده وبقول لاسكندرانية عاملة ايه اخبارك ايه وربنا يقويكي علي المحكمة دي هههههههههههههههههههههه بس المسابقة روعة ياجماعة والله وميرسي ليكي ياسكندرانية علي كلامك الجميل دا بجد وانا بحبك اوي
علي ايه ياقمر ده اقل واجب والله وفعلا الكلام اللي قولته حقيقي مش مجاملة

احب بس اسالك سؤال بسيط

لو حد بتعزيه اوي وبعدين غدر بيكي يكون رد فعلك ايه ؟
والله حسيبه لربنا وانا عن نفسي الحاجة اللي برميها ورايا مش ببصلها تاني

Yeslamooooooooo

مشكورة نورتي

» البيت بيتك ...إتفضل معانا
» صــرصــار عـــلــى الحــيــط ولا ست فى البيت
» المنتخب‮ ‬يؤدي‮ ‬مرانه الأول في‮ ‬الإمارات